2020-mi
kvartalit pingajuanni 2019-imut kvartalit pingajuannut naleqqiullugit
kinguppaat, saarulliit qalerallillu akii appariarput
Kalaallit
Nunaanni Naatsorsueqqissaartarfiup aalisakkat akiinut naleqqersuutit 2020-mi
kvartalit pingajuannut tunngasut saqqummersippai. Pineqartut tassaapput
kinguppaat, qalerallit saarulliillu tunisassiat, 2010-mut oqimaalutarneqartut.
Agguaqatigiissillugu
kiilumut akinik naleqqersuutinik naatsorsuinermi nunatta avammut niuernerani
akit annertunerusumik atorneqarput, ilaatigut tunisassiortut anginerit
akigititaannik tapertaqartarlutik. Tassa akinut naleqqersuut Kalaallit
Nunaanniit annissinermi akigitinneqartoq atorneqarluni.
Aalisakkat
naleqqersuinermi taaneqartut oqimaassusiisa katinneri 2010-mi oqimaalutaaneq
malillugu oqimaalutarneqarput. Taamaasilluni naleqqersuummut oqimaalutaq
aaliangersimasoq Laspeyres-mik taaneqartartoq atorneqarluni.
Aalisakkat
akiinut naleqqersuut (2010=100)
Najoqqutaq: Naatsorsueqqissaartarfik - Kisitsisaataasivimmi kisitsisit takukkit http://bank.stat.gl/fin009
Aalisakkat akii agguaqatigiissillugu 2019-imi kvartalit pingajuanniit 2020-mi kvartalit pingajuannut ima nikeriarsimapput:
· Kinguppaat akii 15 procentit missaannik appariarput.
· Qalerallit akii 4 procentit missaannik appariarput.
· Saarulliit akii 18 procentit missaannik appariarput.
Naatsorsueqqissaartarfiup nittartakkamini http://bank.stat.gl/FIN009 –mi tamanut saqqummiussaani naleqqersuutit ineriartorneri takuneqarsinnaapput.